Gfunne

Bin quer dorsch de Wald,
so wie isch bin.
Mol nix ze mache,
des war moin Sinn.

Im Schadde seh isch
e Blimmelsche do,
's leischd wie die Schderne
un guggd aa so.

Isch wolld's abrobbe,
do hod's jo gsaad:
"Soll isch vewelge?
Des wär doch schaad!"

Mid alle Worzle
du' isch's ausgrawe.
Tra' alles schää haam,
in moin Gaade.

Planz kompledd des oi,
so wie mer's machd.
Schää wachse dud's jedzd
un bliehd un lachd!